Ifor Williams

Ifor Williams
Ganwyd	16 Ebrill 1881  Tre-garth
Bu farw	4 Tachwedd 1965  Cymru
Dinasyddiaeth	Cymru
Alma mater	Prifysgol Bangor Ysgol Friars, Bangor
Galwedigaeth	ieithydd, beirniad llenyddol
Cyflogwr	Prifysgol Bangor
Gwobr/au	Cymrawd yr Academi Brydeinig

Erthygl am yr ysgolhaig yw hon. Am y cwmni Cymreig gweler Trelars Ifor Williams.

Ysgolhaig Cymraeg oedd Syr Ifor Williams (16 Ebrill 1881 – 4 Tachwedd 1965), un o ffigyrau mwyaf blaengar ym myd astudiaethau Celtaidd yng Nghymru yn yr ugeinfed ganrif. Ei arbenigedd oedd llenyddiaeth Gymraeg gynnar, yn enwedig barddoniaeth Hen Gymraeg. Cynhyrchodd y golygiadau safonol o nifer o destunau o bwys, yn enwedig Canu Aneirin, Canu Taliesin a Pedair Cainc y Mabinogi. Treuliodd ei holl yrfa ym Mangor, ger ei bentref genedigol, lle roedd e'n athro yn Adran Gymraeg y brifysgol.

Meddai Bob Owen, Croesor amdano: "ef yw'r myfyriwr caletaf yn ein hanes fel cenedl".^[1]

1. ↑ Dyfed Evans, Bywyd Bob Owen (Caernarfon: Gwasg Gwynedd, 1979), t. 75.